Сэтинньи 7 күнүгэр – Норуоттар сомоҕолоһууларын күнүгэр «Кыайыы 50 сыла» Спорт дыбарыаһыгар волейболга күрэхтэһии ыытылынна. Ол курдук, «Норуот уонна аармыйа бииргэлэр» диэн республикатааҕы, фашизмы утары IV форум чэрчитинэн хамаандалар икки ардыларыгар табаарыстыы көрсүһүүлэр буоллулар.
Бу күрэхтэһиигэ кыргыттартан уонна уолаттартан талыллыбыт биэс хамаанда күөн көрүстэ. Түмүккэ кыайыылааҕынан Дьокуускай куорат 2 №-дээх спортивнай оскуолатын хамаандата буолла. Иккис миэстэни «Якутия с тобой» диэн, Анал байыаннай дьайыы волонтёрдарын хамаандата ылла. Үһүс бириистээх миэстэҕэ толоруулаах былаас үлэһиттэриттэн талыллыбыт хамаанда таҕыста.
Күрэхтэһиини Саха Республикатын физическэй култуураҕа уонна спорка министиэристибэтэ (Л.Н. Спиридонов) итиэннэ Донбасска өйөбүл уонна көмө буолар фонда (Г.С. Куркутов) көҕүлээн, тэрийэн ыыттылар.
Гаврил ЗАХАРОВ, күрэхтэһии судьуйата.
Ааптар хаа ртыската.
ПОДЕЛИТЬСЯ: