Бүгүн, социалистическай үлэ геройдара-дьахталлар бириистэригэр кыргыттарга (2008-2010 сс. төрөөбүттэргэ) көҥүл тустууга Саха Республикатын күрэхтэһиитэ ыытыллан түмүктэннэ. Күрэхтэһии, М.К. Аммосов аатынан Хотугулуу Илиҥҥи федеральнай университет Тустууга саалатыгар буолла.
Тустуу сэттэ ыйааһыҥҥа ыытылынна. Онуоха түмүккэ кыайыылаахтарынан буоллулар: 28 кг – Мичийэ Новгородова (Үөһээ Дьааҥы), 33 кг – Элиза Винокурова (Дьокуускай), 42 кг – Варя Егорова (Дьокуускай), 46 кг – Милена Гаврилова (Нам), 50 кг – Эльза Новгородова (ОЭУ), 54 кг – Ньургууна Ноговицына (Кэбээйи), 54-тэн үөһэ кг – Жанна Местникова (Дьокуускай).
Кыайыылаахтарга наҕараадалары СР дьахталларга хамаандатын сүрүн тренерэ – СР уонна РФ үтүөлээх тренерэ Ким Колодезников, тренер Анжелика Парникова, СР сүүмэрдэммит хамаандатын чилиэннэрэ Севиль Назарова, Евгения Огородникова, Александра Копылова уо.д.а. туттардылар.
Күрэхтэһии сүрүн судьуйатынан – билиҥҥи кэмҥэ биһиги республикабыт биир бастыҥ судьуйата, спорт маастара Виктория Барашкова үлэлээтэ.
«Дьулурҕан».
ПОДЕЛИТЬСЯ: