Алтынньы 8 күнүгэр ийэлэргэ аналлаах республикатааҕы инбэлииттэр уопсастыбаларын көҕүлээһининэн доруобуйаларынан х
ааччахтаах ийэлэргэ анаан «Ийэ олоххо оруола, дьиэ кэргэҥҥэ сабыдыала» Төгүрүк остуол, «Көмүлүөк» хампаанньатыгар маастар-кылаас уонна куокурус ыытылынна. Манна республика улуустарыттан көхтөөх,эрчимнээх ийэлэр кыттыыны ыллылар. Төгүрүк остуол ыалдьыттарынан үлэ уонна социальнай харалта министиэристибэтин Департаменыттан Изабелла Ильченко, «Матери России» общественнай хамсааһынтан Анастасия Михайлова, Аврора клиникаттан быраастар биригээдэлэрэ буоллулар. Биригээдэ быраастара хараҕы,кулгааҕы,давлениены бэрэбиэркэлээтилэр,сүбэ-ама биэрдилэр.Төгүрүк остуол тула кэпсэтии олус истиҥник, аһаҕастык барда. Араас ыйытыктар киирдилэр, билии бөҕөтүн ыллыбыт.
Төгүрүк остуол кэннэ ийэлэр Көмүлүөк хампаанньаҕа ыалдьыттаан маастар кылааска сырыттылар. Манна чааскыга ойуу түһэрэр ньыманы билсэн баран бэйэлэрэ сөбүлээбит ойууларын чааскыга түһэрэн бэлэх оҥоһуннулар. Хампаанньа үлэһиттэрэ боростуойдук, тиийимтиэтик быһааран,көрдөрөн биэрэн сүрдээх үчүгэй үөрэх буолла.
«Ийэҕэ махтал» куонкуруска 7 кыттааччы бэйэлэрин сэттэ мэтириэттэрин презентация оҥорон кэпсээтилэр, дьоҕурдарын көрдөрдүлэр, дьиэлэригэр бүлүүдэ оҥорон аҕалан билиһиннэрдилэр. Бииртэн биир баай фантазиялаах, талааннаах кыттааччылар көрөөччүлэри сөхтөрдүлэр.
Иэйии куттаах Ийэ — Кардашевская Долгууна,Уус Алдан
Байылыат Ийэ — Митрофанова Марианна, Мэҥэ Хаҥалас
Байдам Ийэ-Протодьяконова Евдокия, Чурапчы
Көмүс тарбахтаах Ийэ- Афанасьева Анна Амма
Иһирэх Ийэ-Архангельская Туйаара, Бүлүү
Амарах Ийэ Григорьева Нарыйа, Горнай
Күн Ийэ үрдүк аатын Афанасьева Айанесс Дьокуускай куораттан ылла. Көрөөччү биһирэбилин ылан Архангельская Туйаара, Бүлүү улууһа, Сырдык Сыдьаай Ийэ аакка тигистэ.
Кыайыылаахтар сыаналаах бирииһинэн, дипломунан наҕараадаланнылар. Тэрээһин үлэ уонна социальнай сайдыы министерствотын өйөбүлүнэн ыытылынна.
