Саха сирин уонна дойдубут успуорка устуоруйатын төһө билэргин мантан аллараа бэриллэр ыйытыктарга холонон көрөргөр ыҥырабын.
- Кыһыҥҥы Олимпиадаларга, 1924-1952 сс. эр дьон хайыһарга ханнык дистанцияҕа сүүрэллэрэй?
а. 12 км. б. 15 км. в. 18 км. г. 20 км.
- ССРС сайыҥҥы Олимпиадаҕа 1952 сылтан кыттыбыта. Онно хамаандаҕа бастакы кыһыл көмүс мэтээли ким аҕалбытай?
а. Нина Пономарева – диискэ быраҕыыта. б. Виктор Чукарин – гимнастика. в. Анатолий Богданов – сыал ытыыта. г. Юрий Тюкалов – гребля.
- Манчаары бастакы спартакиадаларыгар ханнык оройуон хамаандата 1968 с., 1969 с. иккитэ субуруччу бастаабытай?
а. Мэҥэ-Хаҥалас. б. Үөһээ Бүлүү. в. Уус-Алдан. г. Чурапчы.
- Олимпиадаҕа барыта 14 саха бөҕөстөрө кыттыбыттара. Кинилэртэн, Айаал Лазаревы киллэрэн туран, хас бөҕөс иккилиитэ кыттыбытай?
а. 3 бөҕөс. б. 4 бөҕөс. в. 5 бөҕөс. г. 6 бөҕөс.
- 1937 сыллаахха Дьокуускайга саахымакка өрөспүүбүлүкэ бастакы чөмпүйүөнээтэ ыытыллыбыта. Саха норуодунай поэттарыттан ким эдэр сылдьан оонньообутай уонна II-III-с миэстэлэри үллэстибитэй?
а. Серафим Кулачиков – Эллэй. б. Владимир Новиков – Күннүк Уурастыырап. в. Семен Данилов. г. Петр Тобуруокап.
Успуорка билиигитин тургутан көрүҥ. Сөптөөх хоруйдары «Дьулурҕан» хаһыат аныгыскы нүөмэригэр таһаарыахпыт.
Бэчээккэ бэлэмнээтэ Степан АНДРЕЕВ.
Майа с.
ПОДЕЛИТЬСЯ: