Алтынньы 24 күнүгэр, Саха сирин норуоттарын музыкатын уонна фольклорун түмэлигэр норуот маастара Елена Петровна Большакова уонна кини кыыһа Мария Николаевна Егорова «Халыма суһума»тус быыстапкатын үөрүүлээхтик аһыы ыытылынна.Манна Елена Большакова 85 сылыгар аналлаах Экспозиция араас техникаҕа уонна араас матырыйаалтан оҥоһуллубут 50-тан тахса ураты кэрэ оҥоһуктар турдулар. Быыстапкаҕа көрдөрүллүбүт үлэлэр 2000 сылтан саҕалаан үгүс сыллар усталарыгар тэриллибиттэрэ. Мария Егорова иис оҥорууга таптал кинилэр дьиэ кэргэннэригэр көлүөнэттэн көлүөнэҕэ бэриллэрин үллэһиннэ. Елена Петровна ыал тоҕус оҕотуттан соҕотох кыыһа буолан ийэтигэр көмөлөһөн түөрт сааһыттан иистэнэн саҕалаабыт. Сэрии кэмигэр хас биирдии илии ахсааныгар сылдьан төрөппүттэригэр фронт туһугар наадалаах маллары оҥороллоругар көмөлөспүттэрэ. Сэрии сылларыгар төрөппүттэрбитигэр фронт туһугар кисет, үтүлүк, бэргэһэ тигэллэригэр көмөлөспүппүт. Оччолорго оҕолор эрдэ улааталлар, хас биирдии илии ахсааннаах этэ», — диэн ахтар норуот маастара Елена Большакова. Быыстапкаҕа ураты миэстэни дьикти матырыйааллартан туһанан оҥоһуллубут үлэлэри ылаллар.Ол курдук, биир экспозиция кус атаҕын тириититтэн оҥоһуллубут, иккиһэ балык хатырыгын туһанан оҥоһуллубут олус кэрэ паннолар турбуттар. Биһиги, Халыма дьахталлара, хотугу айылҕа биһиэхэ биэрэр тугу барытын туһанарга үөрэммиппит. Сороҕор аймахтарбытын биһиэхэ кус эбэтэр балык бэйэбит буолбакка, чуолаан кинилэр атахтарын, тириилэрин ыытарга да көрдөһөбүт», — диэн кэпсиир Мария Егорова ийэтин курдук норуот уус-уран идэтин маастара. Кини этэринэн, айымньы-уруккуттан төрүттээх дьиэ кэргэн үгэһэ. Кинилэр дьиэ кэргэттэрэ барыта искусствоҕа умсугуйара куруук. «Бу быыстапка илиинэн оҥоһуллубут оҥоһуктары көрдөрүү эрэ буолбакка, төрөөбүт сирбитигэр таптал, көлүөнэлэр утумнаах буолуулара, үгэскэ бэриниилээх буолуулара уонна хорсун айымньылаах үлэлэрэ тирииттэн, уҥуохтан, оҕуруоттан хас биирдии оҥоһукка олоҕу тыынар икки дьахтары чиэстиибит», — диэн тоһоҕолоон бэлиэтээтэ Саха сирин норуоттарын музыкатын Уонна фольклорун Музейын директора Мария Корнилова.
