Санаа быраас бассаапка суруйар тэттик кэпсээннэрин түмэн
» *Күннүкпүн арыйан көрдөххө… «* халыҥ тастаах, 455 страницалаах, өҥнөөх кинигэтэ күн сирин көрдө
Кинигэҕэ үйэ аҥара араас ньымаларынан үлэлээбит быраас сороҕор дьиэнэн кэрийэ сылдьан эмтээбит араас мүччүргэннээх сырыылара ыалдьар дьоҥҥо тэттик сүбэлэрэ киирдилэр.
Николай Неустроев аатынан Смарт библиотекаҕа Санаа быраас кинигэтин сүрэхтэниитэ тэрээһиннээхтик ыытылынна,Бу тэрээһиҥҥэ Татьяна Михайловналыын алтыспыт доҕотторо,бииргэ үөрэммиттэрэ,киниэхэ эмтэммит дьоно үөрүүтүн үллэһиннилэр, КэлбитП дьону сахалыы сиэринэн,алгыһын тиэрдэн үөрүүлээх чааһын аста.
Кинигэ ааптарын Зоя Багынанова, Саха АССР, РСФСР үтүөлээх артыыската, Ульяна Винокурова, социология билимин доктора, профессор, общественнай деятель, Софья Сидорова аатынан бириэмийэ лауреата, Дария Санникова, оҕо сааһын дьүөгэтэ, кылааһынньыссата Елизавета Потапова, Саха театрын артыыската, СӨ үтүөлээх артыыската, Маргарита Куличкина, доруобуйа бөлөҕүн салайааччыта, Саха АССР уонна РСФСР үтүөлээх учуутала, Бочуот Знагын кавалера Любовь Егорова уонна да элбэх киһи эҕэрдэлээтэ. Итиэннэ Санаа бырааска анабыл хоһооннору Наум Киренскэй, Полина Победа аахтылар. Наум Киренскэйгэ махтанан кинигэтин бэлэх уунна уонна эмтэнэргэр диэн анаан 50 тыһ. харчынан көмөлөстө. Маны таһынан Ирина Саввина салайар «Илии сылааһа» иистэнэр сыахха 50 тыһ. көмөнү оҥордо. Ааспыт күһүн үбүнэн көмөнү эмиэ оҥорон турар. Олох түгэнин хоһооҥҥо тиһэр Полина Победа сааһыгар тэҥнэниллибэт “трюктары” толорон, биһирэм кыттыылаахтарын сөхтөрдө. Муусука үрдүкү оскуолатын үөрэнээччитэ Сайыына скрипкаҕа оонньоон, норуот таптаан истэр ырыаһыта Мария Захарова сахалыы ырыалары ыллаан, тэрээһини ураты тыыҥҥа киллэрдилэр. Кинигэ ааптара 0 кылаастан бииргэ үөрэммит дьүөгэлэрэ эмиэ ааспыты санатан эҕэрдэ ырыаларын толордулар.
Кинигэ биһирэмин “Күннүкпүн арыйан көрдөххө…” кинигэ редактора, суруналыыс Лариса Аввакумова иилээн ыытта. Бу курдук баҕа санаа күүһүнэн олоҕо салыллыбыт Татьяна Назарова-Санаа быраас кинигэтин биһирэмэ олус тэрээһиннээхтик ааста
Надежда Андросова
ПОДЕЛИТЬСЯ: