Ыам ыйын 23 кунугэр Мэҥэ Хаҥалас улууһун инбэлииттэр уопсастыбаларын иһинэн Бөкө нэһилиэгэр “Байанай күнүн,сайыны көрсөөһүн” тэрээһинэ ыытылынна.
Тэрээһин арыллыытыгар нэһилиэк баһылыгын солбуйааччыта Ю.Н. Павлов, уопсастыба бэрэссэдээтэлэ Т.Н. Пермякова, тыыл,үлэ ветерана О.Н. Захарова мустубут дьоҥҥо эҕэрдэ тылларын эттилэр. Күөххэ үктэнии тэрээһинигэр ытыыга, корнхолга, салабаар өрүүтүгэр, айылҕаҕа сыһыаннаах викторина таайыытыгар, көрдөөх эстафетаҕа күрэхтэр буоллулар. Үгэскэ кубулуйбут курэххэ хамаанда кубога оонньонно ,быйыл үһүс төгүлүн Майа нэһилиэгин уопсастыбата кубогы ылла. Бу көхтөөх күрэхтэһии кылаабынай судьуйатынан В.П. Черемхин көмөлөһөөччүлэринэн А.В. Шишигин, Е.Г. Гаврильев үлэлээн күрэхтэһиини кыайа-хото сыаналаатылар.
Түмүккэ кыайыылаахтар мэтээлинэн,грамотанан,бирииһинэн наҕараадаланан үөрэн-көтөн тарҕастылар. Түгэнинэн туһанан, сылын аайы ыытыллар тэрээһиҥҥэ Бөкө нэһилиэгин администрациятыгар уонна кулуубун үлэһиттэригэр уопсастыба аатыттан махталларын тиэрдэллэр.
