Сэтинньи 29-30 күннэригэр ССРС спордун маастара, Саха Республикатын үтүөлээх тренерэ Валерий Петрович Керемясов сырдык аатынан Дьокуускай куорат көҥүл тустууга аһаҕас чемпионата ыытыллар. Киин куорат быйылгы чемпионата Валерий Петрович төрөөбүтэ 65 сылыгар ананар.
Тустуу, «Кыайыы 50 сыла» Спорт дыбарыаһыгар – 57, 61, 65, 70, 74, 79, 86, 92, 97, 125 кг ыйааһыннарга ыытыллар. Чемпионат састааба күүстээх буолара күүтүллэр. Кыайыылаахтар грамоталарынан, мэтээллэринэн уонна өйдөбүнньүк бириистэринэн наҕараадаланыахтара. Бу күрэхтэһии – спорт бу көрүҥэр 2024 сылы түмүктүүр, инники түһүлгэлэргэ бастыҥнары талар сыаллаах-суоллаах күрэхтэһиинэн буолар. Онон спорду таптааччылары, тустууну сэҥээрээччилэри күрэхтэһиини илэ кэлэн көрөргүтүгэр, бэйэҕит сөбүлүүр бөҕөстөргүтүгэр “ыалдьаргытыгар” ыҥырабыт.
Чемпионат программата
Сэтинньи 29 күнэ, бээтинсэ
14:00-16:30 Мандатнай комиссия үлэтэ.
16:30-17:00 Судьуйалар уонна тренердэр сүбэ мунньахтара.
17:00-18:00 Бары ыйааһыннар сэрэбиэйдэрэ.
Сэтинньи 30 күнэ, субуота
08:00-08:30 Кыттааччылар ыйааһыннаныылара.
10:00-12:00 Барыллааһын хапсыһыылар.
12:00-12:30 Чемпионаты үөрүүлээхтик аһыы.
12:30-18:30 Чемпионат салгыыта. Финаллар.
18:30-19:00 Кыайыылаахтары наҕараадалааһын.
«Дьулурҕан».
ПОДЕЛИТЬСЯ: