— МСЭ ааhарга докумуону бэлэмнииргэ төhө бириэмэ барарый?
— МСЭ-ни ааhарга балыыhаҕа (олохтоох поликлиникаҕа) бастаан көрдөрүөххэ наада. Билигин, Сана быраабылалар чэрчитинэн мэдиссиинэ врачебнай хамыыhыйата (ВК) чопчу бу гражданиҥҥа МСЭ ааhарга докумуон бэлэмнэниэхтээх диэн буоллаҕына, докумуон 30 хонук үлэ күнүн иhигэр бэлэмнэниэхтээх. МСЭ-ҕэ докумуон бэлэмнэннэҕинэ, гражданин бэйэтэ суругунан бюро МСЭ-ҕэ бэйэтэ баран эбэтэр бэйэтэ барбакка докумуонунан эрэ көрөллөрүгэр сөбүлэҥин биэриэхтээх. Толоруллубут направление эмп тэрилтэтинэн электроннай бигэргэтиллибит ханаалларынан МСЭ бюротугар ыытыллар. Гражданин киниэхэ суруллубут направленияны эмп тэрилтэтин хамыыһыйа бэрэссэдээтэлигэр сайабылыанньа суруйан ылыан сөп.
— Бэйэтэ баран или барбакка МСЭ бюротугар көрдөрүү туох уратылааҕый? Ханныгын талыахха сөбүй?
— Гражданин бэйэтэ барбакка, докумуону эрэ көрөллөрүгэр сөбүлэҥин биэрбит түбэлтэтигэр МСЭ бюротун быраастара эмп тэрилтэтиттэн бигэргэтиллибит электроннай ханаалларынан киирбит докумуоннарга олоҕуран быһаарыныы ылыналлар. Гражданиҥҥа МСЭ-ҕэ быһаарыныы ылыннаҕына докумуон дьиэтээҕи олорор аадырыhыгар заказной суругунан барар. МСЭ-ҕэ гражданин бэйэтэ барбакка МСЭ-ни ааһыыта табыгастаах, холобур, гражданин олорор сирэ ыраах, эбэтэр доруобуйатын туругунан МСЭ-ҕэ көрдөрө кэлэр кыаҕа суох буоллаҕына. Гражданин бэйэтэ баран МСЭ-ни ааһабын диэбит түгэнигэр, ол гынан баран бюроҕа бэйэтэ доруобуйатын туругунан сатаан кэлбэт түгэнигэр уонна ол туругун эмп тэрилтэтинэн бигэргэтиллибит буоллаҕына, МСЭ быраастара дьиэтигэр кэлэн көрүөхтэрин сөп, итинник көрүү — бэйэтэ барбакка МСЭ-ни ааһыы диэн көрүҥ буолар.
— Гражданин бэйэтэ баран МСЭ-ни ааһыыта булгуччу ханнык түбэлтэҕэ ирдэнэрий?
— Үлэлии сылдьан эчэйиини эбэтэр үлэтиттэн сибээстээх ыарыыттан ыалдьан инбэлиит туругар киирбит гражданин.
— Бэйэтэ кэлэн МСЭ-ни ааһыыта, холобур бу инбэлииккэ араас, элбэх, уустук ТСР (чөлүгэр түһүүгэ көмөлөһөр тэриллэр) көрүллэр түгэннэригэр бэйэтэ кэлэн көрдөрөрө наадалаах. Ол наада тириир буоллаҕына бюро исписэлиистэрэ МСЭ ыытыллар халыыбын –гражданин бэйэтэ кэлэн МСЭ-ни ааһыытыгар уларытар бырааптаах.
— Ону таһынан экспиэрт-быраастар МСЭ-ни ааһар гражданин интэрнээт дьиэҕэ, эбэтэр атын сытар тэрилтэтигэр, эбэтэр хаайыыга баран МСЭ-ни аһардыахтарын сөп.
— Гражданин МСЭ бюротугар киирбит докумуоннара көрүллүү ханнык кэрдииһигэр тиийбитин билиэн сөбүй?
— Киирбит докумуону көрүү ханнык кэрдиискэ тиийбиттэрин ыыппыт эмп тэрилтэтэ да, бюро МСЭ да гражданиҥҥа булгуччу биллэрэн иһиэхтээхтэр. Ыыппыт эмп тэрилтэтэ МСЭ-ҕэ направление барбытын туһунан биллэриэхтээх эбэтэр направлениетыгар итэҕэс буолан МСЭ-ҕэ көрүллүбэккэ төннүбүтүн туһунан эбэтэр эбии наадалаах чинчийии гражданин барыахтааҕын туһунан бюро МСЭ булгуччу биллэриэхтээх.
МСЭ бюрота гражданиҥҥа направлениета киирбитин, бюро МСЭ-ҕэ направлениета регистрацияламмытын, ханнык күҥҥэ, чааска докумуона көрүллэрин туһунан булгуччу биллэрэр. Бэйэтэ кэлэн МСЭ-ни ааһар киһиэхэ табыгастаах МСЭ-ни ааһар күнүгэр, чааһыгар ыйыталаһан баран ыҥырар.
Өскө гражданин направлениетыгар наадалаах чинчийии итэҕэс буоллаҕына МСЭ-ҕэ көрүллүбэккэ эмп тэрилтэтигэр төннүбүтүн туһунан эмиэ биллэриэхтээх.
Экспэртиисэ бүттэҕинэ гражданин инбэлиитинэн билиниллибитин эбэтэр билиниллибэтэҕин туһунан, инбэлиит буолбут түгэнигэр ханнык чөлгө түһүү миэрэлэрэ ыйыллыбыттарын туһунан, ханнык көмө көрүллэрин туһунан информация тутатына Социальнай фонда отделениетыгар киирэр, докумуоннар бэйэлэрэ гражданинҥа олорор аадырыhыгар заказной суругунан бараллар.
— МСЭ-ни ааһарга ханнык доруобуйаны чинчийиилэр ирдэниллэрий?
— Көрүүлэр, анаалыстар, чинчийиилэр ыарыы көрүҥүттэн көрөн араас, барыта Россия Минтруд уонна Минздрав 2024 сыл ыам ыйын 16 күнүгэр тахсыбыт №259н/238н бирикээһигэр олоҕурбут переченыгар ыйылла сылдьар. Чинчийии перечныгар медицинскай чинчийиилэр (лабораторнай, инструментальнай, функциональнай чинчийии көрүҥнэрэ), ону тэҥэ исписэлиис быраастар, медицинскэй уйулҕа үөрэхтээхтэрин көрбүт боротокуоллара, быһаарыылара, ыарыыларынан көрөн гражданины инбэлиитинэн билинэргэ быһаарыныы ылынарга ирдэнэллэр. Ону таһынан ити чинчийиилэр түмүктэрэ оҥоһуллубут кэмнэрин ирдэнэр болдьохторо ыйыллар.
— ИПРА-ҕа (Индивидуальная программа реабилитации или абилитации инвалида) инбэлиит оҕоҕо подгузниктарын ахсаанын уларытарга, ИПРА –ны уларытыахха сөп да?
— Россия бырабыталыстыбатын бигэргэппит Постановлениетын (Постановление Правительства России от 05.04.2022 № 588 «О признании лица инвалидом») 41 пуунугар олоҕуран ИПРА-ҕа инбэлиит сайабылыанньатынан эбэтэр кини сокуоннай (эбэтэр бигэргэтиллибит бэрэстэбиитэлин) сайабылыанньатынан МСЭ–ҕэ направление толоруллубакка эрэ уларыйыы оҥоһуллуон сөп, маннык эрэ түбэлтэҕэ — инбэлиит аата-суола, үрдүгэ, ыйааһына уларыйбыт буоллаҕына, инники ИПРА-ҕа суруллубут ТСР-дар характеристикалара уларыйбыт буоллаҕына эбэтэр техническай алҕастар тахсыбыт буоллахтарына (сыыһа суруллубут, сыыһа бэчээттэммит, буукубаҕа эбэтэр сыыппараҕа алҕас тахсыбыт буоллаҕына уонна да итинник майгынныыр алҕастар баар буоллахтарына).
— Инбэлииккэ ханнык ТСР ананарый?
— ТСР (чөлүгэр түһүүгэ көмөлөһөр тэриллэр) икки көрүҥҥээхтэр: федеральнай уонна региональнай перечень. Экспэртиисэҕэ МСЭ исписээлистэрэ инбэлииккэ ханнык федеральнай ТСР чопчу сөптөөҕүн, сөбө суоҕун Россия Минтрудун 04.2023 тахсыбыт №342н бирикээһигэр «Об утверждении перечня показаний и противопоказаний для обеспечения инвалидов ТСР» олоҕуран быһаараллар, онтон региональнай ТСР перечнын балаҕан ыйын 11 күнэ 2023 №465 Саха Сирин бырабыыталыстыбатын Постановлениятыгар «О внесении изменений в постановление Правительства Республики Саха (Якутия) №185 от 26 июня 2014 «Об утверждении перечня дополнительных технических средств реабилитации, предоставляемых инвалиду» олоҕуран быһаараллар.
— Гражданин бюро эбэтэр Главнай бюро быһаарыытын кытта сөпсөспөт түгэнигэр?
— Бюро быһаарыытын кытта сөпсөспөт түгэнигэр гражданин (сокуоннай эбэтэр бигэргэтиллибит бэрэстэбиитэлэ) бюро быһаарыытын Главнай бюроҕа бюро быһаарыытын туппутун кэннэ биир ый иһигэр үҥсүөн сөп бюроҕа, Главнай бюроҕа эбэтэр Федеральнай бюроҕа сайабылыанньа биэрэн. Кумааҕыга суруллубут сайыбылыанньа заказной суругунан: РС(Я), 677005 Якутск, ул. Курашова, 65 аадырыска эбэтэр электроннай көрүҥүнэн ыытыллар «Единый портал государственных и муниципальных услуг (функций)» (gosuslugi.ru). Главнай бюро эбэтэр федеральнай бюро сайабылыанньа киирбитин кэннэ 30 үлэ күнүн аһардыбакка медико-социальнай экспэртиисэ ыытыахтаах, ол түмүгүнэн быһаарыы ылыныллар. Итини таһынан бюро, главнай бюро, Федеральнай бюро быһаарыыларын кытта гражданин сөпсөспөт түгэнигэр Российскай Федерация сокуонугар олоҕуран гражданин (кини сокуоннай эбэтэр бигэргэтиллибит бэрэстэбиитэлэ) суутка үҥсүөн сөп.
— МСЭ боппуруостарыгар консультация хантан ылыахха сөбүй?
— Дьокуускай куорат ФКУ «ГБ МСЭ по Республике Саха (Якутия)» Минтруда России “Горячай линия” төлөппүөнүгэр эрийэн билсиэхтэрин сөп 8-4112-316648 (Горячая линия), «Единый контакт-центр» 8-800-100-00-01 төлөппүөнигэр эбэтэр www.14.gbmse.ru. сайка суруйуохтарын сөп.
ФКУ «ГБ МСЭ по Республике Саха (Якутия)»
Минтруда России исписэлиистэрэ бэлэмнээбит матырыйааллара
ПОДЕЛИТЬСЯ: