Ааспыт өрөбүл күннэргэ Бүлүү Хампатыгар «Эр санаа» орден кавалера, Бүлүү улууһун бочуоттаах олохтооҕо Егор Терентьевич Евсеев кэриэһигэр мас-рестлиҥҥэ кыргыттар уонна уолаттар ортолоругар «Эрэллэр» диэн республикатааҕы турнир ыытылынна.
Күрэхтэһиигэ Амматтан, Дьокуускайтан, Хаҥаластан, Горнайтан, Үөһээ Бүлүүттэн, Кэбээйиттэн, Ньурбаттан, Уус Алдантан, Бүлүүттэн уонна улуус нэһилиэктэриттэн, барыта 19 хамаандаттан 135 эдэр спортсменнар мустан күөн көрүстүлэр.
Кыайыылаахтарынан буоллулар (уолаттарга): 50 кг Арылхан Перевалов (Уус Алдан), 55 кг – Аян Спиридонов (Кэбээйи), 60 кг – Захар Катанов (Дьокуускай), 65 кг – Дамир Столяров (Ньурба), 70 кг – Саян Саввинов (Үөһээ Бүлүү), 75 кг – Илья Владимиров (Дьокуускай), 80 кг – Айсен Егоров (Дьокуускай), 80-тан үөһэ кг – Александр Крюков (Амма).
Кыргыттарга: 45 кг – Наталья Егорова (Үөһээ Бүлүү), 50 кг – Паша Солтуева (Ньурба), 55 кг – Дарина Барахова (Үөһээ Бүлүү), 60 кг – Глория Степанова (Ньурба), 65 кг – Сахаайа Степанова (Бүлүү, Чинэкэ), 65-тэн үөһэ кг – Вика Габышева (Ньурба).
Сүрүн күрэхтэһии кэнниттэн муҥутуур кыайыылаахтары быһаарар түһүлгэ тэриллибитигэр уолаттарга 60 кг диэри – Кирилл Мальцев (Кэбээйи), 60-тан үөһэ кг – Артем Одылбеков (ДЮСШ 1), оттон кыргыттарга 55 киилэҕэ диэри – Дарина Барахова (Үөһээ Бүлүү), 55-тэн үөһэ кг – Вика Габышева (Ньурба) бастакы миэстэни ылан, спонсордар олохтообут сыаналаах бириистэринэн уонна харчынан наҕараадаланнылар.
Холобур, биллиилээх мадьыны Анатолий Анатольевич Баишев, бүлүүлэр биир дойдулаахтара Виктор Валерьевич Нифонов, Артур Афанасьевич Николаев, Александр Буслаев, норуот маастардара Николай Степанов, Степан Осипов, Анал байыаннай дьайыы кыттыылааҕа, күүстээх мадьыны Василий Орлосов, эмиэ спорт бэтэрээнэ Василий Семенов, уо.д.а. күрэхтэһии тэрээһинигэр күүс-көмө буолан, кыайыылаахтарга бэйэлэрин бириистэрин анаатылар.
Түһүлгэ биир тыҥааһыннаах түгэнинэн, кыайыылаахтар тахсан, Егор Евсеевы кытта армияҕа бииргэ сылдьыбыт, Чечня сэриитигэр кыттыбыт доҕотторо «Бадаар» маҕаһыынтан олохтообут отут тыһыынча солкуобай харчыга туоһу суруктарын сэрэбиэй тардыбыттарыгар, дьоллоох түгэн — сэрэбиэйи бүтэһигин ылбыт Паша Солтуеваҕа тиксиитэ буолла.
“Дьулурҕан”.
ПОДЕЛИТЬСЯ: