Биһиги олимпийскай чемпиоммут Роман Дмитриев туһунан «Наука побеждать» кинигэ олох ыарахаттарын тулуйар, кыайар туһунан эбит. Мин тустууга кыайыы дии санаабытым, иккистээн, үһүстээн аахпытым, олоххо тардыһыы, олоруу, кыайыы, олоҕу тулуйуу туһунан эбит.
Киһи төрүөҕүттэн орто дойдуга кэлээт, кыайа үөрэниэхтээҕин саас-сааһынан арааран суруллубут. Баҕар оннук сыаллаах суруллубатаҕа буолуо, ону мин итинник көрдүм, аахтым, санаатым. Олоххо буолар, түстуук да буолбатах киһиэхэ, көрсүллэр ыарахаттары, атаҕастабылы, баттааһыны, кэргэннэриттэн арахсыыны, оҕолоруттан араарыыны, үлэттэн барыыны, чугас дьонун сүтэриини, үлэттэн, үлэҕэ өйдөспөккө көһүүнү, итини барытын ааспыт эбит. Итини “наука побеждать” диэхтээх эбиппит.
Кытаатыҥ, хайдах да ыараханҥа Рамаан курдук кыайыылаах тахсыҥ, бэйэҕитин сүтэримэҥ диэри гынабын. Рамаан олоҕун туһунан ааҕыҥ, киһиэхэ олох устатыгар кэлэр ыарахаттар барыта бааллар, олору кыайыаххытын наада. Рамаан курдук, айылҕа биэрбит сэбэрэтин, ис күүскүтүн сүтэрбэккэ эрэ, дьону үтүөтүк санаан, кими да араастаан түһэрбэккэ, кыаттардыҥ, эйэ-дэмнээхтик тахсан барыахха наада, кыайар инниттэн.
Ити кинигэни хас биирдии саха ааҕыаҥ, ырытыан наада, олох ыарахаттарын тулуйа, үчүгэйгэ тардыһар күүһү сүтэрбэккэ, барар да буоллахха барыахха наада, тулалыыр дьонҥо хом санаата суох. Туох да диэтиннэр, аахсыма болҕойума, Рамаан курдук бэйэни, олоҕу кыайа үөрэниэххэ “Наука побеждать” – биһиги олохпут кинигэтэ.
Гаврил КАПРИН. Таатта.
Василий Семенов (Москва) хаартыската.
ПОДЕЛИТЬСЯ: