Бүгүн, олунньу 27 күнүгэр, Аллараа Бэстээххэ Илин эҥэр улуустарыттан кэлбит өрөспүүбүлүкэтээҕи доруобуйаларынан хааччахтаах дьон уопсастыбатын бэрэссэдээтэлэ Ирина Лебедева тэрийбит социальнай десана бастакытын ыытылынна. Тэрээһин инбэлииттэргэ, доруобуйаларынан хааччахтаах дьоҥҥо профессиональнай, социальнай, юридическай уонна психологическай көмөнү оҥорууга анаан ыытыллар. Бу тэрээһин инбэлииттэр бырааптарыгар, тус дьаһалларыгар аналлаах иһитиннэрии уонна кинилэр интэриэстэрин көмүскүүр сокуоннарга киирэр уларыйыылары дьүүллэһэр төгүрүк остуол ыытылынна.
Социальнай десаҥҥа кыттыыны ыллылар: РФ Социальнай фондатын салаата, Медико-социальнай экспертиза сүрүн бюрота, СӨ киһи быраабын харыстыыр уполномоченнай, Үлэҕэ уонна дьон үлэлээх буолууга судаарыстыбаннай кэмитиэтэ, Аҕа дойдуну көмүскүүр фонда регионнааҕы салаата, Инбэлииттэр общественнай тэрилтэлэрин бэрэстэбиитэллэрэ уонна активистара, инбэлиит оҕолоох ыаллар, СӨ киһи быраабын харыстыыр уполномоченнай старшай референа Георгий Валентинович Понамарев, МСЭ сүрүн эксперэ Лена Ивановна Лазарева, РФ Социальнай фондатын региональнай салаатын социальнай бырайыактарын салайааччыта Наталья Степановна Протопопова, СӨ үлэ уонна нэһилиэнньэ үлэлээх буолуутугар судаарыстыбаннай хонтуруолун салаатын салайааччыта Марианна Викторовна Заровнява, Мэҥэ Хаҥалас улууһун социальнай координатора Елена Петровна Аммосова, Мэҥэ Хаҥалас улууһун дьиэ кэргэттэрин социальнай реабилитациялааһын уонна социальнай арыаллааһын отделын сэбиэдиссэйэ Л.В. Расторгуева.
Тэрээһиҥҥэ Алдантан, Нерюнгриттан, Амматтан, Тааттаттан, Дьокуускайтан, Мэҥэ Хаҥаластан, Намтан уонна Хаҥаластан кэлбит дьон кыттыыны ылылар.
ПОДЕЛИТЬСЯ: