Олунньу 23 күнүгэр Норуот айымньытын дьиэтигэр «Хары баттаһыы-2025» аһаҕас күрэхтэһии буолан ааста. Күрэхтэһиигэ түөрт хамаанда кытынна. Оройуоммут кииниттэн Ытык Күөлтэн икки хамаанда кэлбит уонна Харбалаах эмиэ икки састаабы туруорда.
Уопсай хамаанданан киирсиигэ Ытык Күөл-1 хамаандата кыайан, үөрүү өрөгөйүн биллэ уонна олохтоох дьаһалта туруорбут 10 тонна таас чох сертификатынан наҕараадаланна.
Иккис миэстэни Ытык Күөл-2 хамаандата ылла. Оттон үһүс бириистээх миэстэҕэ Харбалаах-1 хамаандата таҕыста. Хамаанда чиэһин Халыев Владислав, Слепцов Вася, Егасов Мичил көмүскээтилэр.
Биирдиилээн ыйааһыннарга түмүк:
75 киилэҕэ диэри, 1. Пинигин Спартак /Ытык Күөл/, 2. Татаринов Егор /Ытык Күөл/, 3. Егасов Мичил /Харбалаах/.
95 киилэҕэ диэри, 1. Халыев Владислав, 2. Дайбанныров Дмитрий /иккиэн Харбалаах/, 3. Варламов Николай /Ытык Күөл/.
95 киилэттэн үөһээ, 1. Михайлов Владимир, 2. Кычкин Гаврил /иккиэн Ытык Күөл/, 3. Слепцов Вася /Харбалаах/.
Хас биирдии ыйааһын кыайыылаахтара илии тутуурдаах, үчүгэй бириистээх бардылар.
Абсолютнайга Ытык Күөлтэн Михайлов Владимир кыайан, олохтоох дьаһалта уонна «Төлөн» АО туруорбут бириистэринэн – 2 блок саа ботуруонунан наҕараадаланан үөрдэ-көттө.
Манна диэн эттэххэ, Тааттаҕа хары баттаһыытыгар күрэхтэһии буолбатаҕа ырааппыт. Ыалдьыттарбыт: «Маннык күрэхтэһии сүүрбэччэ сыллааҕыта буолбута, бу тэрийбиккит наһаа үчүгэй», — диэн махтанан бардылар.
Туспа махталбытын тиэрдиэ этибит, спонсордарбытыгар: «Төлөн» тэрилтэҕэ уонна олохтоох нэһилиэк дьаһалтатыгар.
Күндүлээн ЛИТВИНЦЕВ, култуура уонна спорт киинин дириэктэрэ.
Таатта, Харбалаах.
ПОДЕЛИТЬСЯ: