Муҥутуур кыайыылааҕынан Герасим Дьяконов буолла

Ааспыт өрөбүллэргэ «Бэргэн» СК Улуу Кыайыы 80 сылын көрсө буулдьанан ытыыга, кыра калибрдаах саанан ытыыга бастакы аһаҕас күрэхтэһии буолла.

Күрэхтэһии үрдүк таһымҥа ыытылларыгар Бэрдьигэстээххэ Олимпийскай эрэллэри бэлэмниир өрөспүүбүлүкэтээҕи оҕо спортивнай оскуолатын салалатата былааннаах үлэни ыыппытын бэлиэтиир наадалаах. Хас эмэ сыл устата туруорсан, сүүрэн-көтөн, көҥүл ылан, буулдьанан ытыы спорда сайдарыгар олук уурдулар диэн бэлиэтиэҕи баҕарыллар.

Бастакы күрэхтэһиигэ 22 бэргэн ытааччы бэйэтин күүһүн холонно. Бастатан туран тренердэр сааттан-саадахтан сэрэхтээх буоларга иһитиннэрии оҥордулар. Тир иһигэр хайдах сылдьыллыахтааҕын билиһиннэрдилэр. Спортсменнар 50 м турар, үс сыалга ыттылар.

🎯6 №-дээх сыал

1. Егор Ефимов (Сунтаар);
2. Герасим Дьяконов (Горнай);
3. Семен Максимов (Дьокуускай).

🎯 7 №-дээх сыал

1. Иван Ксенофонтов (Горнай);
2. Егор Ефимов (Сунтаар);
3. Григорий Попов (Горнай).

🎯 8 №-дээх сыал

1. Герасим Дьяконов (Горнай);
2. Семен Максимов (Дьокуускай);
3. Станислав Кельциев (Хаҥалас).

Күрэхтэһии муҥутуур кыайыылааҕынан Герасим Дьяконов тахсан, Горнай бэргэн ытааччыларын аатын инники күөҥҥэ таһаарда.

Вячеслав АЛЕКСЕЕВ, Горнай – Бэрдьигэстээх.

Ааптар хаартыскаҕа түһэриитэ.