Олунньу 15-16 күннэригэр Дьокуускай куоракка «Саха сирин спортивнай дьоно» өрөспүүбүлүкэ үөрэнээччилэрин комплекснай спартакиадатын чэрчитинэн нуучча дуобатыгар хамаанданан бастыыр иһин күрэхтэһии ыытыллан түмүктэннэ.
Бу күрэхтэһиигэ барыта 24 хамаанда кыттыбытыттан, Нам улууһун оҕолорун хамаандата бастаата. Иккис миэстэни Дьокуускай куорат дуобаччыттара ыллылар уонна үһүс бочуоттаах миэстэҕэ биһиги оҕолорбут хамаандалара таҕыстылар.
Бастакы дуоскаҕа Дьокуускай куораттан биир дойдулаахпыт, Арктикатааҕы оскуола 10 “б” кылааһын үөрэнээччитэ Айсен Егоров, иккис дуоскаҕа – Покровскай куорат 2-с №-дээх орто оскуолатын 10 кылааһын үөрэнээччитэ Юлия Никанорова, үһүс дуоскаҕа 100 харахтаах дуоскаҕа, Уулаах-Аан 6 кылааһын үөрэнээччитэ Арсен Кузьмин уонна төрдүс 100 харахтаах дуоскаҕа, Покровскай куорат 3 №-дээх орто оскуолатын үөрэнээччитэ Настя Иванова ситиһиилээхтик оонньоотулар.
РФ уонна СӨ дуобакка федерациятын вице-президенэ Вячеслав Нестеров, Хаҥалас улууһун физическэй култуураҕа уонна спорка салайааччыта Виталий Прокопьев, Хаҥаластааҕы Оҕо спортивнай оскуолатын дьаһалтата, дириэктэр Николай Иванов, тириэньэрдэр Александр Соломонов, Гаврил Колесов, Владимир Иванов уонна спорт интеллектуальнай көрүҥнэрин федерациятын салайааччыта Родион Кононов буолан бары бииргэ, былааннаах сыралаах үлэлэрин түмүгэ буолар.
Уйбаан УЙГУУРАП.
Хаартыска, тириэньэр Владимир Иванов архыыбыттан туһанылынна.
ПОДЕЛИТЬСЯ: