Бүгүн, олунньу 14 күнүгэр, Бэчээт дьиэтин 3-с этээһигэр «Дьулурҕан» хаһыат төрүттэммитэ 25 сылыгар уонна спорт суруналыыһа Петр Павлов 60 үбүлүөйдээх сааһыгар аналлаах «Үйэ аҥаара – бэчээккэ» диэн ааттаах быыстапка үөрүүлээх быһыыга-майгыга арылынна.
Петр Семенович быйыл бастакы хаһыакка суруйуута тахсыбыта лоп курдук 50 сыла. Кини бастакы таһаарыыта 1975 с. ахсынньы 18 күнүгэр «Бэлэм буол» оҕо хаһыатыгар бэчээттэммитэ.
Быыстапкаҕа Петр Семенович араас сылларга суруйбут үлэлэрэ, муспут коллекциялара, ылбыт наҕараадалара турдулар. Мустубут дьон болҕомтотун араас сылларга түһэрбит хаартыскалара, эриэккэс значоктара ыллылар.
Быыстапканы Дьокуускай куорат, Орджоникидзе уулуссатын 31 №-дээх дьиэтигэр 3 этээскэ үлэ күнүгэр кэлэн көрүөххүтүн сөп.
Айтал Павлов
ПОДЕЛИТЬСЯ: