Тохсунньу томороон тымныыта түһэн турдаҕына Алдан нэһилиэгэр Таатта улууһун киинин Ытык Күөлүгэр олорор олоҥхону толорооччу Клара Илларионовна Читаева «Харыйачаан» оҕо саадын иитиллээччилэригэр, Уус Тааттатааҕы оҕо искусствотын оскуолатын фольклор салаатын үөрэнээччилэригэр ыалдьыттаата.
Үлэ бэтэрээнэ, нэһилиэнньэни бытовой өҥөлөрүнэн хааччыйыы туйгуна,» Улуус,Таатта нэһилиэгин сайдыытыгар кылаатын иһин» бэлиэ хаһаайката Клара Илларионовна Анна Николаевна уонна Илларион Алексеевтар дьиэ кэргэттэригэр 14 оҕоттон 8-с оҕонон 1955 сыллаахха балаган ыйын 2 күнүгэр күн сирин көрбүтэ.Икки эрэ саастааҕар атаҕар эчэйиини ылан , ону ол кэмнэ сыыһа эмтээн сааһын тухары ,оҕолору кытта тэҥҥэ сырсыбат, ойуоккалаабат дьылҕаламмыта.
Клара Илларионовна Маркова Раиса Семеновна тэрийбит «Удьурҕай» олоҥхону толорооччулар бөлөҕөр дьарыктанар. Сылтан сыл талаана арыллан, эмиэ да өбүгэлэрин батан олоҥхолуур. 2017 сыллаахха Илин улуустарга инбэлииттэргэ ыытыллыбыт «Две звезды — Ырыалаах ыллык күрэхтэһиигэ» , 2019 сыллаахха Таатта улууһугар М.Н. Андросова — Ионова төрөөбүтэ 155 сылыгар аналлаах өрөспүүбүлүкэтээҕи «Ондуруоһап эмээхсин курдук онолуйа туойдахпына » олоҥхону толорууга, бастакы өрөспүүбүлүкэтээҕи Олоҥхо дьыктааныгар онтон да элбэх тэрээһиннэргэ актыыбынайдык кыттар.
Биир саамай сөбүлээн уонна идэтийэр дьарыгынан иистэнии буолар. Кини атах таҥаһыгар таба, тайах тыстарыттан этэрбэстэри тигэр. Элбэх республиканскай, улуус иһинээҕи быыстапкаларга кыттыбыта. Ол туоһутунан элбэх ахсааннаах сертификаттар кэпсииллэр.
«Харыйачаан» о5о саадын иитээччилэригэр М.Н. Андросова — Ионова «Ондуруоһап эмээхсин курдук онолуйа туойдахпына » олоҥхону толорбутун кырачаан о5олорбут сүрдээҕин чуумпуран олорон сэҥээрэн иһиттилэр.
Киэһэтин Алдан нэһилиэгин модельнай библиотекатыгар П. А. Ойуунускай «Дьулуруйар Ньургун» олоҥхотуттан быһа тардан толорбутун кэрэхсээн иһиттибит. Клара Иннокентьевнаҕа баҕарабыт инникитин да олоҥхону толорууга ситиһиилэри , кытаанах доруобуйаны баҕарабыт.
Акулина Маркова Таатта улууһа
ПОДЕЛИТЬСЯ: