Үүммүт саҥа 2025 сылга республикаҕа СР спорка уонна физическэй култуураҕа министиэристибэтин сүрүннээһининэн элбэх күрэхтэһии ыытыллара былааннанар.
Үгэс быһыытынан, улахан таһымнаах күрэхтэһиилэр көҥүл тустуу көрүҥүнэн саҕаланаллар.
Олунньу 13-14 күннэригэр улахан дьоҥҥо Дальнай Восток чемпионата, оттон олунньу 21-23 күннэригэр Сунтаарга Н.Н. Тарскай кэриэһигэр эр дьоҥҥо Саха Республикатын чемпионата ыытыллаллар. Итини тэҥэ эмиэ олунньуга кикбоксиҥҥа Дальнай Восток регионун чемпионата уонна эдэрдэргэ күрэхтэһиитэ былааннанар.
Кулун тутар ыйга элбэх күрэхтэһии баар. Ол курдук, дартска Дальнай Восток чемпионата, баскетболга республика чемпионата, волейболга уонна футзалга үрдүкү лига чемпионаттара, бокска Арсен Петров кэриэһигэр республика чемпионата буолуохтара.
“Дьулурҕан”.
ПОДЕЛИТЬСЯ: