Сир үлэтинэн дьарыктанар сорох хаһаайыстыбалар өлгөм үүнүүнү ылар туһуттан пестицидтары уонна агрохимикаттары туһаналлар. Пестицидтэр диэн үүнээйи ыарыытын, кэрбиир үөннэри, сыыс оту утары туттуллар химическэй уонна биологическэй эттиктэр, оттон агрохимикаттар диэн үүнээйи үүнүүтүн уонна сир быйаҥын үрдэтиигэ туттуллар химическэй уонна биологичэскэй эттиктэр (уоҕурдуулар).
Бу эттиктэри сыыһа туһаныы, эбэтэр биһиги дойдубутугар көҥүллэммэтэх эттиктэри туһаныы дьон доруобуйатыгар уонна тулалыыр эйгэҕэ куһаҕаннык дьайыахтарын сөп, ол туһуттан дойду үрдүнэн “Сатурн” диэн ааттаах пестицидтэр уонна агрохимикаттар хамсааһыннарын кэтээн көрөр судаарыстыбаннай информационнай систиэмэ үлэлиир. Агрохимикаттарынан уонна пестицидтэринан туһанааччы хаһаайыстыбалар уонна урбаанньыттар бу систиэмэҕэ киирэн бэлиэтэнэллэрэ ирдэнэр.
Россия тыатын хаһаайыстыбатын министиэристибэтэ пестицидтэри уонна агрохимикаттары сыыһа туттууларын туоһулуур индикаатардары олохтообута:
- Календарнай сыл устата информационнай систиэмэҕэ 2-тэн элбэхтэ эттиктэри сыыһа туттубуттарын туһунан информация киирдэҕинэ, ол иһигэр нуорманы таһынан уонна бу эттиктэри сыыһа ньыманнан туттуу.
- Эттиктэри туһанар сирэй информационнай систиэмэҕэ пестицидтары уонна агрохимикаттары туһанарын туһунан киллэрбэтэҕинэ.
- Информационнай систиэмэҕэ көстөрүнэн пестицидтары уонна агрохимикаттары туһанар сирэй былырыыҥҥыттан 30% элбэх бу эттиктэри ылбыт, ол эрээри ыһыытын иэнин кэҥэппэтэх буоллаҕына.
2024 с. ахсынньытыттан тыа хаһаайыстыбатын министиэристибэтэ эбии төрдүс индикаатары киллэрдэ. Бу индикаторга ыйылларынан пестицидтары туттубутун туһунан информационнай систиэмэҕэ көстүбэтин үрдүнэн ыһыллыбыт иэҥҥэ сыыс от химическэй дьайыыттан уларыйыыта 50 % ордук иэҥҥэ таҕыстаҕына.
Бу этиллибит индикаатардар көрдөрүүлэрэ пестицидтэри уонна агрохимкаттары туһанааччыларга былааны таһынан оҥоһуллар бэрэбиэркэни тэрийиигэ төрүөт буолуон сөп.
Бэрэбиэркэ түмүгүнэн пестицидтэри уонна агрохимкаттары куттала суох туһаныы сокуонун кэһии таҕыстаҕына, туһааннаах сирэй административнай Кодекс 8.3 ыстатыйатынан эппиэтинэскэ тардыллар.
Амур уобалаһын уонна Саха Өрөспүүбүлүкэтин ветеринарнай, фитосанитарнай кэтээн көрүү федеральнай сулууспатын салалтата иһинитиннэрдэ.
ПОДЕЛИТЬСЯ: