Саха Өрөспүүбүлүкэтин регионнааҕы «Көмө Маяга» уопсастыбаннай тэрилтэ, «Тирэх» социальнай тэрилтэни уонна Дьокуускайдааҕы кырдьаҕастар, инбэлииттэр дьиэлэрин кытары бииргэ үлэлэһэллэр.
Оҕолор тымныы моруос оҕонньору күүтэн олорор түгэннэрэ
Ону таһынан 2021 сылтан элбэх оҕолоох, инбэлиит оҕолоох ыаллары, анал байыаннай дьайыыга сылдьар дьон дьиэ кэргэттэрин кытары үлэлииллэр. Ол курдук бүгүн, ахсынньы 23 күнүгэр, «Ленские столбы» ресторан дьиэтигэр оҕолорго саҥа дьыллааҕы бырааһынньык тэрийдилэр.
Көмө Маягын тутаах дьоно
Бу уопсастыбаннай тэрилтэ тэрийээччитинэн Промышленнай уокуруг баһылыгынан үлэлии сылдьыбыт Саха Өрөспүүбүлүкэтин уопсастыбанньыга, олохтоох «Единай Россия» политсэбиэтин чилиэнэ Кушнарева-Служенитина Елизавета Николаевна буолар. Кини кэпсииринэн Маякка аҕыс волонтер үлэлиир. Бу оҕолор саҥа дьыллааҕы тэрээһиннэрин таһынан, олоххо очурдарыгар оҕустарбыт, көмөҕө наадыйар дьоҥҥо көмөлөһөбүт, ону тэҥэ юридическай көмөнү оҥоробут, диэн кэпссэтэ. Дьон кыһалҕатыгар көмөлөһөн үтүөнү оҥоро сылдьар дьоҥҥо махтаныах эрэ тустаахпыт.
Ньургуйаана Скрябина.
ПОДЕЛИТЬСЯ: