«Забота-Арчы» амарах хаһыакка улуустарынан сурутуулары ылан көрөр эбит буоллахха, Уус Алданнар мэлдьи инники күөҥҥэ сылдьалларын бэлиэтиэхпит этэ. Саамай ааҕар улуус диэтэххэ, баһан этии буолбата чуолкай.
Бу улуус үтүө санаалаах социальнай үлэһиттэрэ сыллата бэйэлэрэ көрөр-истэр ытык кырдьаҕастарыгар «Забота-Арчы» хаһыаты сурутан бэлэх ууналлар. Ол курдук, бу хампаанньаҕа улуус бу эйгэ үлэһиттэрэ 45 бэтэрээҥҥэ сурутуу оҥордулар. Оттон сурутууну оҥоруу, тэрээһинтэн улахан тутулуктаах. Манна Уус Алдан улууһун үлэҕэ уонна нэһилиэнньэ харысхаллаах буолуутугар управлениетын салайааччытын Елена Егоровна Кривошапкинаны ахтан ааһары наадалааҕынан ааҕабын.
Киһи санаата, сүргэтэ көтөҕүллэригэр, ырыаҕа этиллэринии, кып-кыра, быычыкайык наада. Почта, хаһыат уонна сурунаал кэлэрэ, урут уруккуттан ыалга биир үөрүүлээх түгэнинэн буолара. Оттон соҕотох олорор ытык дьоммутугар ити икки-үс бүк өрө көтөҕүллүүлээх түгэн буолара саарбаҕа суох.
Сыл аҥаарын устата сонуну-нуомаһы, интэриэһинэй ыстататыйалары ааҕаннар сэргэхсийиэхтэрэ турдаҕа
Людмила НОГОВИЦЫНА
ПОДЕЛИТЬСЯ: