Ахсынньы 21 күнүгэр “Өрөгөй” Спорка бэлэмнэнии киинигэр, республикаҕа физкултуурунай хамсааһыны төрүттээччи Н.Н. Тарскай төрөөбүтэ 100 сылыгар аналлаах 2024 сылы түмүктүүр “Чемпионнар Бааллара” тэриллэр.
Бу күн эрдэттэн киэҥ ис хоһоонноох тэрээһиннэр ыытыллыахтара. Ол курдук, быыстапкалар, дьоҕус күрэхтэһиилэр, куонкурустар, маастар-кылаастар, спорт аһылыгын, таҥаһын атыыта о.д.а. тэрээһиннэр тэриллиэхтэрэ.
Бэлиэ күн сүрүн түгэнинэн, ааһан эрэр сыл бастыҥ спортсменнарын, номинацияларынан лауреаттары наҕараадалааһын буолуоҕа.
Киин куорат олохтоохторун уонна ыалдьыттары, спорду таптааччылары сыл спорка үлэтин түмүктүүр, бастыҥнары чиэстиир үөрүүлээх тэрээһинин кэлэн көрөргүтүгэр ыҥырабыт.
“Дьулурҕан”.
ПОДЕЛИТЬСЯ: