Көҥүл тустууга ССРС спордун маастара, Российскай Федерация физическэй култууратын уонна спордун туйгуна, Caxa АССР физическэй култууратын уонна спордун үтүөлээх үлэһитэ, Чурапчы улууһун Бочуоттаах олохтооҕо, Саха Республикатын спортивнай Албан аат түмэлин салайааччыта, спорду көҕүлээччи уонна тэрийээччи, кыраайы үөрэтээччи, коллекционер Михаил Егорович Друзьянов 75 сааһыгар аналлаах “Олоҕум умсулҕана” диэн баай коллекциятын быыстапката бүгүн А.А. Саввин аатынан Чурапчытааҕы история уонна этнография түмэлигэр аһылынна.
Быыстапка үөрүүлээх аһыллыытыгар Чурапчы улууһун баһылыга Степан Саргыдаев, улуус депутаттарын сэбиэтин бэрэссэдээтэлэ Яков Оконешников, Д.П. Коркин аатынан Спорка Албан аат түмэлин салайааччы Егор Пудов, спорт бэтэрээннэрэ, олохтоохтор кыттыыны ыллылар.
Быыстапка турар күннэрэ: ахсынньы 17 күнүттэн — 2025 сыл тохсунньу 17 күнүгэр диэри. Чурапчы олохтоохторун уонна ыалдьыттарын бу быыстапканы көхтөөхтүк кэлэн көрөргүтүгэр ыҥырабыт.
“Дьулурҕан”.
ПОДЕЛИТЬСЯ: