Бу өрөбүллэргэ, ахсынньы 14-15 күннэригэр Үөһээ Бүлүүгэ хапсаҕай федерациятын кубогар күрэхтэһии буолаары турар. Манна, сыл устата сүүмэрдээһин түмүгүнэн уон бастыҥ хамаанда кыттыаҕа.
Ол курдук, Үөһээ Бүлүү, Чурапчы, Таатта, Хаҥалас, Мэҥэ Хаҥалас, Уус Алдан, Кэбээйи, Үөһээ Дьааҥы, Бүлүү уонна Ньурба улуустарын сүүмэрдэммит хамаандалара күөн көрсүөхтэрэ. Күрэхтэһии балаһыанньатын быһыытынан, хамаандалар сэрэбиэй түмүгүнэн икки бөлөххө арахсан киирсиэхтэрэ. Бөлөхтөргө бастаабыттар быһаарыылаах киирсиигэ көрсөн, ханнык хамаанда күүстээҕин быһаарсыахтара. Кыайыылаах хамаанда 300 тыһ. солк. харчынан наҕараадаланыа.
Хамаанда састаабыгар 6-лыы уол уонна эр дьон итиэннэ 5-тии бэтэрээн киирэр. Былырыын маннык күрэхтэһиигэ Үөһээ Бүлүү хамаандата намнары кыайан, кыайыы өрөгөйүн бэлиэтээбитэ. Быйыл дьэ, ханнык хамаанда кыайар?
«Дьулурҕан».
ПОДЕЛИТЬСЯ: