Саха спордун аҕатынан билиниллибит Н.Н. Тарскай төрөөбүтэ 100 сылыгар аналлаах Уус Алдан улууһун комплекснай спартакиадатын чэрчитинэн Баатаҕайга, бэтэрээннэр күрэхтэһиилэрэ ыытылынна.
Күрэхтэһиигэ алта нэһилиэк спортсменнара күөн көрүстүлэр. Кинилэр остуол тенниһигэр, дуобакка, саахымакка, дартска, буулдьанан ытыыга, хабылыкка, эстафетаҕа күрэхтэстилэр.
Хамаанданан түмүккэ бастакы миэстэни Хоро нэһилиэгэ ылла. Иккис миэстэҕэ Баатаҕай нэһилиэгэ таҕыста. Үһүс бириистээх миэстэҕэ 2-с Лөгөй нэһилиэгэ тигистэ. Көрүҥнэринэн кыайыылаахтар мэтээллэринэн, грамоталарынан, оттон бастаабыт хамаандалар туһааннаах кубоктарынан наҕараадаланнылар.
Күрэхтэһии сүрүн судьуйатынан Г.Ф. Аргунов, сүрүн секретарынан А.П. Пермякова үлэлээтилэр.
«Дьулурҕан».
ПОДЕЛИТЬСЯ: